Selektu vian landon aŭ regionon. Ĉi tio estas grava por ĉiaj konfiguroj, kiel la monero kaj senkabla reguliga domajno. Konfiguri eraran landon povus kaŭzi ke vi ne kapablu utiligi senkablan reton. Se via lando ne estas en la listo, klaku sur la butono Aliaj Landoj kaj elektu vian landon / regionon tie. Se via lando estas nur en la listo Aliaj Landoj, post klaki sur Enorde povas ŝajni ke vi elektis landon de la unua listo. Bv. ignori tion, DrakX daŭrigos kun via reala elekto.

En la ekrano Aliaj Landoj vi povas ankaŭ elekti enir-metodon (sube en la listo). Enir-metodoj ebligas uzulojn tajpi mult-lingvajn literojn (ĉina, japana, korea, ktp.). IBus estas la defaŭlta enir-metodo en Magejaj DVD, kaj en Afrikaj/Barataj kaj Aziaj/ne-Barataj KD. Por aziaj kaj afrikaj tajp-konfiguroj, IBus agordos la defaŭltan enir-metodon aŭtomate tiel uzuloj ne bezonos konfiguri ĝin permane. Aliaj enir-metodoj (SCIM, GCIN, HIME, ktp.) ankaŭ havigas similajn funkciojn kaj povas esti instalitaj se vi aldonis HTTP/FTP-an medion antaŭ la pakaĵa selekto. Se vi nevole preterpaŝis la enir-metodon dum la instalo, vi povas aliri ĝin post ŝarĝi la instalitan sistemon per "Konfiguri vian Komputilon" -> "Sistemo" aŭ lanĉante localdrake kiel mastrumanto.